或者真係You don’t have any cards啦，只有侵侵自己有一手好牌都唔定。但係佢若然認真impose嘅tariffs，咁應該全世界攬炒喇，詳情請參考n篇坊間分析。
但係呢，坊間又有啲人/傳媒又不停淡化tariffs對國家同埋本地嘅影響，當然更加會對侵侵口誅筆伐啦。但係，唔該，鬧還鬧，侵侵係CLS就梗㗎喇，但係都真係要認清事實吖嘛，經濟原本已經夠差，而家係驚你唔斷氣揸多你條頸一下。
想講吓賣港口單deal，當初全港都大讚誠哥。其實常人都應該會覺得呢單係good deal啦，主要係價錢合理，我覺得做到所謂嘅不亢不卑(有冇用錯term呢？我中文差)，大家都有下台階，誠哥套現兼可以轉移風險、國家又不失體面、侵侵又求仁得仁。總好過侵侵迫巴拿馬出手要取消和記港口專營權啦…… 但係之後事態發展呢大家都已經知…… 而家消息滿天飛，有消息話阿爺協調中港富豪出手收購。邊有咁易，或者問邊個會想接手呀，邊個想做磨心？
奇怪在咁大單嘢，誠哥應該事先會同阿爺溝通好喎。雖然阿爺對誠哥一路應該好有意見㗎喇，但呢單嘢咁大，關於港口利益，誠哥冇唔使問準阿爺，如果唔係，就真係會「別讓李嘉誠跑了」。
之所以政治家係政治家，一般絕大多數人都唔係，因為有啲嘢只有佢哋識點玩，只有佢哋先睇得通。