重啟——restart，究竟呢個term係正面定係負面嘅呢？見到restart，我第一個想起嘅情景就係部Iphone出咗問題要side button – volumn down 熄機再開。
又咁講，部電話出問題正常都應該係負面，但係俾得你restart，至少啲按掣重有反應；restart完load得入個正常畫面，至少有希望。咁都係正面。
但係要接受嘅事實，唔係所有嘢都可以重新嚟過。就正如boot得起入個畫面，都唔代表可以正常用到啦。
Anyway，碌到最底，呢個blog原來係2005年開始寫，再之前應該唔係用呢個系統寫blog，夾埋應該寫咗二十幾年，亦都荒廢咗好幾年。啲人已經由寫個人網頁到寫blog到碌Facebook再到而家碌IG(& 小紅書？)，今時今日重寫咁多廢話，我都覺得自己好old school。心血來潮，不如清空晒啲舊posts，重啟一次好嗎？